MPC Party-in RMSA leh SSA hnuaia hnathawk inzawmkhawm, Federation of Mizoram Samagra Employees-te thil phut chu arang thei ang bera ngaihtuah sak turin sorkar a phut.

0
388
views

MPC Party puipate chu vawiin khan Treasury Square-a an Party Pisa-ah an President, Pu Lalhmangaiha Sailo kaihhruaiin an \hukhawm a, FEMSE-in an hlawh leh service chungchang ngaihtuahsak tura Chief Minister leh Education Minister hnena \ha taka an thlen thin laia an mutthluksan tlat sawi harh nana Mass Casual Leave hmanga an hmalakna hi MPC Party chuan awm a tihpuiin, muthlu ben harh ngai Chief Minister leh Education Minister Mizoramin a nei chu vanduaithlak an tih thu an sawi. MPC chuan, Samagra hnuaia thawkte thil phut Mizoram sorkar-in a bengkhawn sak duh miah loh lai a, an nuar tur erawh a helh leh viau lawi sia, a zan a zan a order khauh tak “No Work No Pay” hmang a a vau nghal chu \ha an ti lo hle tih sawiin, invauna leh inrikrapna “ramhnuai zia” hi bansan tawh turin MPC Party chuan MNF chu an chah tih an sawi.

MPC puipate \hukhawm hian Zirtawpnia Prism leh MPC hruaitu \henkhatin Bairabi Zophai hmuna Mizoram leh Assam ramri an enfiah chungchang an thlir ho bawk.