Vawiina Aizawl Press Club-a thuthar lakhawmtute an kawmnaah MPC General Secretary, Publicity Cell changtu Pu VL |hazova chuan, Lungleia MPC Sub-Hqrs.-a President hlui, General Secretary pakhat leh Secretary pahnih-in ZPM party an zawm avanga MPC Sub-Hqrs. \hiat ta ang leh awm ta ang hiala sawi chu thu dik tawk lo a ni tih sawiin, heng mite bak an Party member dangte chu an Party-ah rinawm takin an la awm chhunzawm zel a ni, a ti. Pu VL |hazova chuan, Lungleia MPC Office chu ZPM lamin tun hma a\angin an \awm a, tunah chuan ZPM hi an inthiar chhuak fel tawh a, Lungleia MPC Sub-Hqrs. chu Vice President, Pu Zokhuma hovin dan pangngaiin an kal mek tih a sawi. Sihphir-a MPC Group zawng zawng ZPM-a inchhung lut anga tarlan pawh thu dik tawk lo a ni tih sawiin, Pu VL |hazova chuan, an member zingah mimal duhthlannaa ZPM zawm awm bawk mah se, Group pumpui anga inlet an ni lova, member tam zawk chu MPC-ah an la rinawm chhunzawm zel a. Khawvel changkang zelah dawt leh thu dik awlsam te-a hriatchhuah a nih theih tawh laia ZPM hruaitu leh Independent MLA \henkhatin MPC Party chhiatna tur leh mipui bum nana thu dik ziktluak lo an thehdarh chu \ha lo a tih thu a sawi.
MPC General Secretary chuan, Zoram dinchhuahna atan an Party dintu Brig. T. Sailo hmathlir, Six Basic Needs tihhlawhtling turin a fapa, tuna an Party President nilai Pu Lalhmangaiha Sailo thiamna leh theihna chu an rin tawk thu a sawi a. Hetihrual hian ZPM Party thar lo piang ta ten Mizoram dinchhuah nana Brig. T. Sailo hmathlir, Six Basic Needs an thartawh ve chu Mizorama sorkar-na chang tawh ten sawi chauh duh tawk a, tihhlawhtlin tumna tak tak an nei ngai lo ang tho a ni tih a sawi.
