MPC Party Sr. Vice President, Pu Vanlalhlana chuan thenawm State inthlang mekah Congress party tla hniam zelin, regional party leh an thawhpuite dinhmun a tha chho zel niin a sawi.

0
639
views

MPC Party Sr. Vice President, Pu Vanlalhlana chuan thenawm State inthlang mekah Congress party tla hniam zelin, regional party leh an thawhpuite dinhmun a tha chho zel niin a sawi. He thu hi vawiina MPC party pisa-a inkhawmah sawiin, Pu Vanlalhlana chuan hemi vang hian Mizoram Congress hruaitute an mangang hle niin a sawi a, Chief Minister, Pu Lal Thanhawla’n a kaihhruai sorkar hna thawh dan that zia finfiahna tha tawk nei nia a insawi chu thu dik lo nia sawiin a finfiahna neitute chu Mizo mipui leh India mipuite niin a sawi a ni. Pu Vanlalhlana chuan economic dinhmun tha nei tur chuan thil tharchuah neih te, thilsiam chhuah te, mipui nawlpui intodelh te ngai niin a sawi bawk.
Pu Vanlalhlana chuan Mizorama kum 30 chuang Congress leh MNF-in ro an lo rel tawh danah mipuite an lungawi lo niin a sawi a, kum 10 chhung MNF rorel chhungin Baffacos sum cheng maktaduai tam tak rah chhuah lohva sem zawh tawh niin a sawi a, kum 20 Congress sorkar chhungah pawh cheng Vaibelchhe tam tak rah chhuah lovin NLUP atan hman zawh niin a sawi a, tunah chuan Party mal sorkar ni lo, kalphung thar hmanga mipui sorkar din turin ZPM Tangrual Pawl a ding ta niin a sawi a ni. He inkhawm hi MPC Gen.Hqrs General Secretary, Pu Lalthlamuana’n a kaihhruai a ni.