MPCC General Secretary Pu. T.T Zothansanga’n Central a BJP kaihhruai sorkar chu hnam te naute puala seat reservation nuaibo tumah puhin ram puma congress party in na takin a dodal dawn tih a sawi.

0
32
views

Hemi chungchanga vawiina Aizawl Press Club-a thuthar thehdarhtute a kawmnaah sawiin Pu. T.T Zothangsanga chuan, BJP kaihhruai sorkarin ram chhunga zirna in leh sorkar hnathawk lakna hrang hranga Scheduled Tribe, Scheduled Caste leh Other Backward Class-te tana seat reservation siam \hin chu nuaibo tumin hma an la mek niin a sawi a, he thil hian Supreme Court hial thleng chhovin, hnam te naute tana seat hausakna chu nuaibo mai theih dinhmunah a ding mek a ni a ti.

Pu TT Zothansanga chuan, Mizo zinga IAS, IPS, IFS leh Central Service dang leh Doctor leh Engineer zir thei zawng zawng deuhthaw chu Tribal Quota a\anga lut an ni tih a sawi a, Tribal quota tihtawp a nih chuan Mizo zingah zir thei an awm mang dawn lo nia sawiin ram chhungah hna \ha leh hna sang zawk thawk thei an tlahniam hle dawn a ni a ti a, hei hian ram leh hnam tan thil \ha lo a thlen dawn tih sawiin ram chhunga hnam hrang hrang te intluktlang taka an awm theih hma chuan reservation a awm chu thil tih makmawh a nih thu a sawi. Pu TT Zothansanga chuan, BJP chu Hindu lal ram din tumtu leh hemi atana sakhaw dang betu hnam tenau zawkte dip ral vek tumah puhin hemi atan \henawm rama Hindu te India a an luh theih na turin CAA pawh hman a ni tawh a, sakhua leh hnam kalphung thlaksak tumna Uniform Civil Code pawh Parliament-ah pharh an tum leh mek bawk a ni a ti a, Mizoram-a Kohhran ten fa nei tam tura an mite an fuih laiin fa 2 chauh neih policy kalpui an tum leh ta bawk tih sawiin hnam tlem zawkte tana seat reservation nuaibo an tumna hian Political reservation nuaibo thlenga hmalak an tum a ni tih a ti chiangah an ngaih thu a sawi. Pu TT Zothansanga chuan, hnam tenau zawkte tana seat reservation awmsa nuaibo tumna awm mek Congress Party in \ha an tih loh avangin naktukah a dodalna lantir an tum tih a sawi a, he thilah hian Mizoram mipui, Kohhrante leh NGO hrang hrangte pawhin thlawp turin an ngen a ni.