MNF an sorkar chuan Finance Department hotute kokhawm nghalin, mimal leh Company-a sorkar leibat zat chhutchhuah tir an ni ang tih Pu Zoramthanga’n a sawi chu kum 10 chuang Chief Minister lo ni tawh leh Finance Department pawh lo enkawl tawh thusawi atan chuan a mawlmang hleah an ngai tih MPCC chuan an sawi a, State nih a\angin sawrkar leiba chu a pung chho zel a, sawrkar leibat dan pawh kawngkal nei a ni a. Chung leibate chu sorkar-in kumtin a rul zel a, Budget-ah pawh a chuang vek a ni an ti a. Inthlan a hnai tial tial a, eptu Party-te chuan mipui hnenah tiam theih zawng zawng an tiam dawn emaw tih mai tur a ni tih sawiin, MPCC chuan heng eptute thutiam hian mipui a tiphawklek lem lo nia an hriat thu leh hetianga an kalna apianga an tiamte hi an ti hlawhtling dawn lo nia sawiin, sorkar-na an chelh lai pawha an tih theih lohte a nih hlawm avangin thutaka lak tlak a ni lo niin an sawi.
