Pu Zodintluanga hi a bial Thorang khaw hrang hrang-ah Campaig-in a zin mek a, Inrinnia Tlabung-a vantlang inkhawmah thu sawiin, Pu Zodintluanga chuan, Congress leh ZPM chu ram leh hnam, sakhaw himna atan \ang hovin mipui candidate, Pu Lalnghinglova Hmar an thláwp tih a sawi a, MNF-te’n an belh ber, BJP chu sakhaw tih bik neia rorelna chan tum a, India ram pumpui hi sakhaw pakhat tan chauha serh hran tum an nih avangin, Kristian sakhaw zuitute tan chuan an him lo a ni, a ti a. Hetiang hi thil awm dan a nih avangin Party-a an nihna dah\hain ZPM leh Congress chu an thawk ho ta a ni, a ti. Pu Zodintluanga chuan, MP inthlanah BJP bêltu MNF candidate thlan tlin a nih chuan, Mizoram mipuiin Kristian tiduhdahtute an thlang tihna a nih dawn tih a sawi a, Kristiante do tlat a, hnawksak titute do let tur hian Kristiante hian indona thianghlim an puan a ngai a ni, a ti.
