MPCC leh ZPM Joint Committee hian vawiin chawhnu dar 1 khan Congress Bhavan-ah Emergency Meeting an nei a, Lunglei District chhung polling station \henkhata Returning Officer-in Candidate-te serial number an thlak thleng chungchanga complaint an thehluh-ah tun thlenga hmalakna a la awm lo chu an lungawi loh thu sawiin, hei hi chak zawka bawhzui a nih theih nan CEO hnenah thlen ni se an ti a ni. Hei bakah hian inthlanna neih zawh taka Congress leh ZPM-in an thlawp Pu Lalnghinglova Hmar laka Returning Officer-in insawifiah tura hriattirna an pek chungchangah Pu Lalnghinglova Hmar-in Show Cause Notice lehkha a hmuh hma darkar hnih hmalamah Social Media-a tihdarh a ni chu thil dik lo tak a ni an ti a, a mawhphurtu nia rin Election Returning Officer chu hrem a nih ngei theih nan CEO hnenah thlen ni se an ti bawk.
