MPCC leh ZPM Joint Publicity Committee-in sorkar laipuia BJP in thuneihna a chan hnuah mipuiin harsatna nasa tak an tawk nia sawiin he thilah hian an thurualpui MNF party pawhin mawhphurhna lian tak an nei a ni an ti.

0
376
views

Vawiina Aizawl Press Club-a thuthar lakhawmtute an kawmnaah Joint Publicity Committee Chairman, Pu Lallianchhunga chuan, sorkar laipuia BJP sorkar a pian hnuah kalphung awmsa tam tak an thlak a, hemi avang hian hmasawnna tak tak a thlen phah lo ni mai lovin mipuiin harsatna namen lo an thawh phah avangin BJP chu thuneihna chantir chhunzawm tlak an ni lo a ti a, he thilah hian an thurualpui MNF Party pawhin mawhphurhna lian tak an nei niin an sawi. Pu Lallianchhunga chuan BJP kaihhruai Sorkar laipuiin kum 2015 khan tun hmaa eirawngbawlna Gas sem dan pangngai tidanglamin Direct Benefit Transfer for LPG (DBTL) an hmang \an tih sawiin, hemi vang hian mipuiten harsatna nasa tak an tawh phah a, Bank account-a pawisa lut tur nia sawi pawh a luh mumal loh avangin ram pumah mipui tan harsatna a siam niin a sawi. Kum 2016 November ni 8-a ram dang pawisa cheprelh leh pawisa lem tam chhuanlama sorkar laipuiin Rs. 500 leh 1000 note a tih hlum a nih hnuah heng harsatna nia sawite hi a tlem pha lo nia sawiin, Pu Lallianchhunga chuan, he thil hi mipui leh bank-in an tuar a, mi 100 chuangin nunna an chan phah hial tih a sawi. Sorkar laipuiin SBI-a account neite tan a tlem lam bithliah a ni chu mipuin, a bikin miretheite rawkna a ni a, he kalphung thar hman a nih a\anga thla 8 chhung lekin hetianga bank account-a pawisa awm tlem avanga hremna pawisa chawitir tlingkhawm chu cheng vaibelchhe 1,771 zet a tling tih a sawi.

Pu Lallianchhunga chuan, SBI-a account neite pawisa dah punna a\angin chhiah lakna tura ruahman, Tax Deduction at Source hmanga dan ang thlapa Income Tax a\anga awl Mizote pawh chawitir vek an tum te, Bawng talh khapna dan an kalpui leh hnathawh tur tlem tial tial chu BJP kaihhruai Sorkar laipui chak lohna leh mipuite tan a him tawk lohna tilang tu an ni tih sawiin, hemi siam\ha tur hian Central-ah BJP an sorkar tawh loh a ngai a. MNF pawh NEDA hmanga BJP nen inzawm tlat an nih avang leh, Central lama BJP a sorkar theihna atana an puih miau avangin MNF chu BJP note diktak an ni a, BJP hnawl an nih dawn chuan MNF hnawl a ngai tihna a ni a ti a, mipuiten MNF leh BJP \angrual hnawla MPCC leh ZPM thlawp Mipui Candidate an vote tlin a ngai a ni a ti.

Zawhna chhangin Mizo mipuite duh loh em em Citizenship Amendment Bill, 2016 chu Congress kaihhruai sorkar khan na takin a lo dodal tawh \hin nia sawiin, Pu Lallianchhunga chuan, he Bill an dodal thu hi kum 2017 July ni 31 khan khatih laia Chief Minister, Pu Lal Thanhawla’n Union Law and Judicial Minister hnenah a thlen a. Kum 2017 August ni 17 khan he Bill chungchang zirchiangtu, Joint Parliamenttary Committee hnenah DO letter hmangin an duh loh thu a thlen leh a, nikum June ni 12-a Councils of Minister \hukhawm chuan he bill an dodal thu an tichhuak a, hemi hnu hian Assembly House-ah He Bill dodalna hial Pass a ni tih a sawi.