MPCC Media Chairman, Pu Lallianchhunga’n ZPM thil tum ber Congress emaw, MNF emaw tel lo sorkar siam chu thil thar a ni lova, tuna ZPM kuah khawmtuten inthlanna a awm a pianga an lo tih fo tawh a nih thu a sawi.

0
281
views

 

He thu hi vawiina Aizawl Press Club-a thuthar lakhawmtute a kawmnaah sawiin, Pu Lallianchhunga chuan, tuna ZPM kuah khawmtute hian Congress emaw, MNF emaw tel lo sorkar siam an tumna hi \um engemawzat an hlawhchhampui tawh a nih avangin ngaihven an hlawh lo niin a sawi a, ZPM chu Politics-a pawl pakhat, an din tirha mipuiten beiseina sang tak nen an lo thlir a nih laiin, an pawl hminga inthlan chuhtute chu pawl behchhan nei lo, Independent anga an din tak vek avangin awmze nei lo an ni ta niin a sawi a. Heng mite hi mipuiten lo thlang tling ta pawh ni se, political party nghet te anga inkaihhruaina mumal nei lo an nih avangin an zalen dawn a, chuvangin tuna hnam \henkhat rinchhana MLA 2/3 neih tuma \an la mek BJP hian an bitum nghal dawn tih a chiang hle niin a sawi.
MPCC Media Chairman chuan, hetiang hi thil awmdan a nih avangin Independent hmanga MLA chuhtute chu ven thawn a ngai zual hle niin a sawi a, Political party ten theihtawp an chhuah laia Party behchhan nei lo Independent candidate thlantlin an nih chuan an duh duh an thlawp theih dawn avangin fimkhur a ngai a, mipuiten ngaihtuahna fim tak an hman a \ul hle a, heng mite hi BJP innghahna ber an nih avangin an mahni vote chu Mizoram tan a him lo tih hre turin Mizoram mipuite a ngen a ni.