MPCC Media department chairman, Pu Lallianchhunga’n BJP-in hmarchak bial state dang, Nagaland, Meghalaya leh Manipur-a ram an lak dan angin Mizoramah thil tih ve an tum mek niin a sawi a, lo inven thiam a \ul a ni, a ti.

0
270
views

 

He thu hi vawiina Aizawl Press Club-a thuthar lakhawmtute a kawmnaah a sawi a, BJP chuan Kristian tamnaah an tla-na lo tih an hriat avangin tualchhung mite hmangin kaw hreuh dan an thiam a, state dangah pawh MLA nei tam lutuk si lovin thiam takin sorkar an thunun thei niin a sawi a, BJP chhungril lam inti hre deuhin an sawi dan chuan BJP President, Pu Amith Shah chuan MLA Seat 40 chauh awmna Mizoram chu an huphurh loh thu leh kar khat thawh khawp pawh awm lo tura an ngaih thu a sawi a ni a ti a, Hindu lalrama India siam tumtu BJP lakah mipuite an fimkhur a \ul takzet a ni, a ti.

Pu Lallianchhunga chuan, BJP hian hmarchhak bial State hrang hranga mite chu sum hmanga thlem a, bum theih an ni tih an hriat avangin tual\o party hmangin inhliah khuh tak si, thil engkim rel ngai zawng zawng leh sum te chhawp siin, Nagaland, Meghalaya leh Manipur-a ram an lak dan angin Mizoramah pawh ram lak an tum mek niin a sawi a, an thil tih tum dan hmuhfiah a \ul hle a ni, a ti a. Tuna mipuiten an hriatthiam tur chu tuna Mizorama inthlan chuh tur pawl pathum – BJP, MNF leh NPP te chu NEDA-a ban pawimawh \hiau ni phak an ni tih sawiin, heng mite hian a hranpain inthlan chuhin, BJP nen an thawh ho loh thu sawi \hin mah se, mipui laka hmai phih tumna mai nia a lan thu a sawi.

Tun hnaia BJP Mizoram Pradesh President, Prof. JV Hluna thusawi tualchhung chanchinbu pakhat-a lo lang Mizorama BJP-in thawhpui an neih loh thu leh Congress nen an thawh ho a rinawm thu a sawi chu thudik lo nia sawiin, MPCC Media department chairman chuan, hetiang patling meuhin BJP hruaitu a nih vang maia dawt a sawi chu vanduaithlak an tih thu a sawi a. Kohhran mipuite thinhrik, BJP a zawm avangin Prof. JV Hluna chu Kohhran-a a rawngbawlna chawlhsan ngam turin MPCC chhuan a ngen tih a sawi.

Pu Lallianchhunga chuan AICC President, Rahul Gandhi chu naktuk hian Mizoramah a lo zin dawn tih sawiin, 3rd Bn MAP Ground Mualpuiah vantlang inkhawm neih a ni ang a, Aizawl bakah Champhaiah thu a sawi dawn bawk. Congress party-in sorkar-na an chang chhunzawm leh a nih chuan Aizawl khawpui chhunga Taxi service, ABC a \hente chu tidanglamin Private Motor intlanchhawk angin an intlanchhawk ve tawh dawn niin Pu Lallianchhunga chuan a sawi bawk.