MPCC Media Department Chairman, Pu Lallianchhunga’n MNF Party innghahna Central-a BJP sorkar chu a ni tela a tlakhniam zel avangin MNF innghahna chu a nghing mek a ni, a ti.

0
74
views

Vawiina Congress Bhavan-a inkhawmah Pu Lallianchhunga chuan, BJP kaihhruai Sorkar hnuaiah ram sum leh pai dinhmun a \ha lo hle a, hnathawh tur nei lo an tam a, tunah hian kum 45 chhunga hnathawh tur nei lo tam ber \um a thleng mek tih sawiin, Centre for Monitoring Indian Economy tarlan danin kumin October kha Unemployment rate san ber thla a ni a, Centre for Sustainable Employment mithiamte chhut danin kumin chhung ringawtah pawh mi maktaduai 9-in hna an chan hial a ni, a ti. Pu Lallianchhunga chuan, inthlan hma khan Prime Minister, Narendra Modi hian kum tin hna thar vaibelchhe 1 siam a tiam a, a intiamna hlenchhuah chu sawi loh, a sawi loh dan ang zawnga ram sum leh pai dinhmun a chhe zawngin a danglam mek a. World Bank leh International Monetary Fund pawhin India ram economy \han dan tur an sawi lawk chu an ennawn hial a, GST a\anga chhiah hmuh beisei zat an hmuh theih loh avang leh India ram economy dinhmun a tlakhniam zel avangin 15th Finance Commission hun pawhsei an tum mek niin a sawi.

BJP sorkar hnuaiah kum 2016 chhung khan loneitu mi 11,379 an intihhlum tih tarlan a ni a. Kum dang report-ah chuan loneitute intihhlum chhan tarlan thin a ni a, tuna Report thar berah erawh loneitute intihhlum chhan hi thup a ni a, hei hian kuthnathawktute dinhmun chhiat zia a tarlang chiang hle tih Pu Lallianchhunga chuan sawiin, hetiang hi MNF thawhpui leh an innghahna BJP sorkar kalphung a ni a, sum leh pai an enkawl thiam loh hi MNF sorkar pawhin a tuar mek tih a sawi.

He inkhawm hi MPCC Secretary, Pu PC Laltlansanga’n a kaihruai a. MPCC Generel Secretary, Pu RL Valla leh Executive Member, Pu J. Liankamlova pawhin thu an sawi bawk.