MPCC Media Department Chairman, Pu Lallianchhunga’n Sorkar laipui Human Resource Development Minuistry hnuaia sakhaw tenau behchhana zirna inten \anpuina an dawn theihna Infrastructure Development for Minority Institute hmangin Aizawl FC Football Academy-in dik lo takin sum an dawng nia sawiin, kristian sakhaw hming behchhana hetianga dik lo taka sum lak a ni hi MPCC chu pawi a ti hle tih a sawi.

0
524
views

He thu hi vawiina Aizawl Press Club-a thuthar lakhawmtute a kawmnaah sawiin, Pu Lallianchhunga chuan, hemi chungchang an chhui chianna a\anga a lan daninMizorama Minority School anga tarlan 57 chuan 1st Instalment an dawng tawh nia sawiin, 2nd Instalment chu an hnathawh dan tarlanna kimchang thehluh a ngaih avangin hrensak an ni tih a sawi a. Minority School grand hi hmuh a nih theih nan Home department hmalaknain NECS chu Project siam tir an ni a, Central sorkar-in 2nd Instalment a pekchhuah duh loh nachhan nia tarlan chu Mizoram sorkar-a Home Department-in pawisa hman dan kimchang tarlanna a thehluh loh vang nia sawi a nih thu a sawi.

MPCC Media Department Chairman chuan, he \anpuina dawngtu zinga mi Aizawl Football Club Academy chu cheng nuai 17.71 dawng tura tih niin, kum 2015 khan 1st Instalment cheng nuai 6,64 an dawng a, hei hi dawrpui veng chhungah hmuh tur a awm lo nia sawiin, School Education Department pawhin Aizawl FC Acdemy hi an Department record-ah an hmu zo lo hrim hrim a, school tin tana UDISE Code an pek zingah pawh a tel lo niin a sawi. Pu Lallianchhunga chuan, Home Department-in hetiang hi an kalpui a ni tih School Education Department-in a hriat chuan thui tak kalpui a lo ni tawh niin a sawi a. Hetianga Krtistian sakhaw hming hmanga dik lo taka pawisa hailuh hi kristian tan tih loh tawp tur nia an hriat thu leh sum hi an hailut duh a nih pawhin dik taka ti tura an phut thu leh hetiang thil titute hi a tawp thlenga umzui an tum thu MPCC Media Department Chairman chuan a sawi.