MPCC Media Department-in Mizorama Medical College hmasa ber, MIMER hming thlak nana Mizoram sorkar-in Zoram Medical College tih a rawt chu MNF President, Pu Zoramthanga hming chawia phuah nia sawiin, a hming atana Medical Council of India-in a lo pawm tawh MIMER tih chu put tir leh an phut tih an sawi.

0
554
views

Vawiina Aizawl Press Club-a thuthar lakhawmtute an kawmnaah MPCC Media Department Chairman, Pu Lallianchhunga chuan, damdawi lam zirna in sang, Mizoramin a neih chhun hmalam hun ngaihtuahna nei lo leh mipuite zahna nei miah lova MNF kaihhruai sorkar hmalakna chu MPCC chuan a ngai thutakin a dem hle a ni, a ti a. Kum 1996 khan khatih laia Prime Minister, Pu HD Deve Gowda chuan Mizoram a lo tlawh \umin Pu Lal Thanhawla kaihhruai sorkar chuan, Mizoram-in damdawi in lian leh Medical College a mamawh thu an lo thlen a, hei hi ngai pawimawhin Prime Minister chuan khum 300 awm theihna tur leh a hnua khum 500 thleng awm theihna tur State Referral Hospital sakna tur Planning Commission kaltlangin Rs. vbch 40.53 a rawn pe a. Kum 1998-a MNF kaihhruai sorkar thar lo piang chuan Mizoram tana rotling ni tur Referral Hospital chu a tichhe ta vek a, tih ngaihna an hriat loh avangin Referral Hospital chu 5th IR Battalion dah nante, mimal ar vulh nan leh Private English Medium atan niin, a hnu deuhah phei chuan Kohhran pakhat hnenah a zuar ta hial niin a sawi.

Pu Lallianchhunga chuan, kum 2008-a Congress a lo sorkar leh khan State Referral Hospital chu thuai thar leh nghal a ni tih sawiin, kum 2014 Decmeber ni 10 khan Health and Family Welfare Ministry a\angin Medical College din phalna hmuh a ni ta hial a. Hemi atana hmalak nan Rs. vbch 189 ruahman zui niin, hemi kum June ni 9 khan Medical College chungchang ngaihtuahtu Committee hmasa ber chuan ngaihtuahna thui tak sengin Medical College mai ni lo, Research Institute thlenga tihlen leh tihchangtlun theih turin a hmingah Mizoram Institute of Medical Education and Research (MIMER) tih chu an pawm a. Hemi hnu hian Medical College puitling din a nih ngei theih nan ruahmanna hrang hrang kalpui nghal a ni a, kum 2015 January ni 7-ah Mizoram University a\angin Provisional Consent of Affiliation hmuh a ni a, a behchhan damdawi in State Referral Hospital pawh tihchangtlun chhoh zel niin, hemi hnu kum 2018 May ni 15 khan Health and Family Welfare Ministry chuan MBBS seat 100 awmna tur damdawi lam zirna in sang hawn phalna, Letter of Permission a pe ta a. He zirna in hi a enkawl a hautak dawn avangin sorkar enkawlna hnuaia awm tho siin, mahnia thuneihna sang tak nei, Autonomous Body a nih theih nan Society hminga dah a ni tih a sawi.

Hetiang a nih mek laia tun hnaia Mizoram sorkar Councils of Minister \hukhawmin MIMER hming thlak a remti ta mai chuan he zirna in sang hmalam hun ngaihtuahna nachang an hriat loh zia a tilang chiang hle tih MPCC Media Department hotute chuan an sawi a. MIMER chu Medical Council of India a\anga phalna famkim la nei lo leh Letter of Permission chauh nei a la ni a, a hming thlak a nih avang hian harsatna hrang hrang a tawk chho dawn nia an hriat thu leh Institute a nihna hming ropui tak \hiat a College satliah ang leka chantir tum a ni chu an dodal tlat tih an sawi.