MPCC President, Pu Lal Thanhawla’n Centrala BJP sorkarin MNF party chu sum leh pai hmangin nasa takin an \anpui niin a sawi.

0
279
views

Vawiina Congress Bhawan-a inkhawmah thu sawiin Pu Lal Thanhawla hian Central-a BJP hotuten Mizoram BJP hruaitute an rin zawh loh avangin Congress paih thla thei tura an ngaih MNF chu nasa takin an vulh nia sawiin, nikuma State Assembly inthlanpui neih dawnah pawh khan sum leh pai hmangin nasa takin an \anpui a ni, a ti a. Hetiang bawk hian tuna Lok Sabha inthlanna neih turah pawh BJP hian MNF chu an \anpui leh tho a rinawm a ni a ti.

Pu Lal Thanhawla hian MNF chu Citizenship Amendment Bill an haw tak tak a nih chuan NDA a\angin an bang ngam tur a ni a ti a, tun hnai mai khan BJP hotupa, Amit Shah chuan Assam-a vantlang inkhawm a hmanpuinaah BJP-in thuneihna a chang chhunzawm a nih chuan CAB chu tharthawh a, pass a nih tur thu a sawi a, hetiang a ni chunga MNF-in BJP thawhpuia NDA-a an inzawmna an tichat ngam lo chu BJP thuhnuaia an kun zia lantirna a ni a. BJP kaihhruai NDA hnuaia awm reng chunga CAB an dodal thu an sawi chu thu awmze nei lo a ni a ti. Pu Lal Thanhawla chuan, Sorkar laipuia BJP kaihhruai sorkar chu an kal dan a dik loh avangin kum 5 chhungin mipuiin an hne hman le tih sawiin, inthlan hmaa mipui hnena an thu tiam hrang hrang zingah tihhlawhlin an nei mang lo niin a sawi a. Kum tin hna thar tam tak siam tura intiam siin, tun hi kum 45 kalta chhunga hnathawh tur van ber \um a ni a, India chu khawvela hmeichhiate him lohna ber hmun a nih bakah loneitute thlai thar chhuah hralhna man tlawm ber \um a thleng mek a ni a ti a, hei bakah hian kawng hrang hrangin India chu a hniam zawngin a kal a. Hemi siam\ha tur hian Congress hnenah thuneihna pek a \ul a ni a ti.

Pu Lal Thanhawla chuan hnaia Congress Party-in Lok Sabha inthlanpui neih tura Manifesto an tlangzarh takah khan ram chhunga mi harsazual zaa 20 talin kum tin Rs. 72,000 an dawn theihna tur ruahmanna siam a ni a, hei hi an tihlawhtling thei a nih chuan Mizorama mite pawhin an dawng ve thei dawn a ni, a ti a. Hei mai hi ni lovin AICC Presdient, Pu Rahul Gandhi-a’n a lo tiam tawh angin Congress Party-in thuneihna a chang a nih chuan Citizenship Amendment Bill chu tihtawp nghal a ni dawn tih sawiin, tuna Lok Sabha inthlan an hmachhawn tur chu hnam nun leh sakhua thlenga nghawng thei a nih avangin ringtute tan chuan indona thianghlim ang hiala ngaih tur a ni a ti.