MPCC President, Pu Lal Thanhawla’n Inthlanna thianghlim leh muanawm a awm theih nana MPF hmalakna chu \ha viau mah se, thingtlang lama an mi leh sa \henkhatte thil tih dan erawh enfiah ngai nia a hriat thu a sawi.

0
269
views

Vawiina Congress Bhavan-a inkhawmah thusawiin, Chief Minister hlui Pu Lal Thanhawla hian, inthlanna tluang tak a awm theih nan Sorkar hanthawk leh Zoram mipuite hmalakna chu chhuanawm a tih thu sawiin, phai lam a\anga lo kalte pawhin Mizorama inthlanna kalpui dan chu \ha an tih thu an sawi \hin a, hei hi MPF hmalakna rah ni bawk mah se, MPF awm hma a\angin Mizorama inthlanna chu a muanawm sa tawh a ni a ti.

Pu Lal Thanhawla chuan, BJP chu India rama Hindu lalram din tumtu nia sawiin hemi atana hmalak an tumnaah Muslim leh Krisitian-te chu an ngaimawh zual niin a sawi a, heng mite zingah hian Mizorama thuneihna chang mektu MNF party chu an tel a ni a ti a. Hetiang a ni chunga ringtu leh rawngbawltu inti zinga an mahni \an tlattu an la awm zel chu in enfiah a ngai niin a sawi. An Party member zingah Kohhran thil tih dan \ha ti lo an awm chu an rilru thlak tura hrilhin, an party chuan kohhran duh loh zawng a ti a, an ngaihdan a in an loh avangin an thil ihchuhah an hneh ta lo mai a ni tih hriat a ngai a ni, a ti a. Hetihrual hian zu chu \ha an ti a, a duh duhin in rawh se tih vanga zuar an ni lova, khawvelah Mizote chauh chu Hnam anga zu buaipui an nih tawh avangin hei hi a reh a, Mizote chu zu buapui lo hnam an nih theih nan zawrh a ni a ti a, An hmalakna zarah zu chu mipuiten an buaipui lo \ep tawh a, mah se vote zawn nan leh inpumawhna atan hman a nih avang leh Kohhran duh loh zawng a nih avangin tun dinhmun hi a thleng leh ta niin a sawi.