MPCC President, Pu Lal Thanhawla’n MNF Sorkar-in Committee phuahchawp hrang hrang dina MLA-te nihna a pek dan chu Office of Profit a ni em tih an enfiah dawn tih a sawi.

0
367
views

Nimina Congress Bhavan inkhawmah thu sawiin, Pu Lal Thanhawla chuan, dan ang chuan MLA 60 chin neite tan Councils of Minister-ah mi 12 bak ruat theih a ni lova, hetiang a nih mek lai hian MNF sorkar chuan Committee phuahchawp tak tak – Bamboo link road committee, bamboo development committee, Agriculture development committee, rubber and allied crop development committee, horticulture development committee, vety and fishery committee, health and family welfare committee, road and infrastructure development committee, men power committee leh human resource developoment ommittee-te dinin, heng committee-ah hian MLA-te chu Vice Chairman ah dah an ni hlawm tih a sawi a. Hei hi dan bawhchhiatna langsar tak nia a lan theih avangin a \ul anga enfiah a ni dawn tih a sawi. Pu Lal Thanhawla chuan hetianga Committee phuachawp tak tak hmanga MLA-te Vice Chairman a dah an ni chu a Department enkawltu Minister-te tan pawh thinrimna tham, an hotuten an rin tawk loh zia tilangtu a nih avangin ngaihtuah chian a ngai hle a ni, a ti bawk.

Pu Lal Thanhawla chuan, MNF sorkar-in heng committee hrang hrang a dinah hian thil inmil tawk lo a awm nual nia sawiin, Vety and Fishery Committee din a ni te phei chu engtik lai mahin Vety leh fishery chu thil kal kawp a ni ngai lova, Rubber and Allied Crop Development Committee din a nih chungchangah pawh Rubber chu Crop a nih ngai a hriat loh thu a sawi.