MPCC & ZPM Jt. Publicity Committee hian Tuikuk Tripura Camp-a Vote thlak tur Aizawl a awmte hian an hawna tur sum dilna March ni 30 khan MNF Party Official MP Candidate Pu C. Lalrosanga hnenah ziakin an thlen niin an sawi a. An lehkhaah chuan Tuikuk Tripura-a Vote thlak tur Aizawla awm mi 85 vel te chu Rs. 1000 zel an dil sak nia sawiin, Tuikuk pawl hrang hrang aiawhin Mizoram Bru Displaced People Forum, General Secretary Bruno Mesha, BRO National Liberation Front Secretary Mohan Reang leh Bru Welfare Committee, Tripura Relief Camp Secretary Indera Lal Reang ten MNF MP candidate Pu C. Lalrosanga hnenah an dil niin an sawi a, an dilna lehkhaah hian Hachhek West MNF Block President Pu LT Sanga hming pawh a chuang tel niin an sawi bawk.
MPCC leh ZPM Publicity Committee chuan he lehkha hian MNF leh Tripura Camp-a Tuikuk awm mek, Mizorama lo haw duh lo te chu an thawkho tih chiang takin a lantir niin an sawi a, MNF Hachhek West Block ten Tuikuk te vote thlak tura an hawna tur senso an Party MP Candidate hnena an dilpui chu an dem thu an sawi.
