Eptu party pahnih, MPCC leh MPC ten vawiin khan Aizawl Press Club-ah Joint Press Conference neiin, Mizoram sorkar-in MSSSB din a tum an duh loh thu an sawi a. MPCC thupuangtu, Pu Lallianchhunga chuan, MPSC chu UPSC ang bawka ram danpui, Article 315-na hmanga thuneihna sang tak neia din a ni a, Chairman leh member dangte pawh India President thu lo chuan ban mai theih an ni lova. Hetiang a nih avang hian MPSC kaltlanga hnalak reng reng chuan sawisel a hlawh khat hle a ni, a ti. Hetiang a nih mek laia MNF kaihhruai sorkar-in MPSC ring zo lo ni awm taka State sorkar thuneihna hnuaia awm tur MSSSB din a tum chu mipui, a bikin \halai hna zawng mek leh nu leh pa te zah lohna dik tak nia an ngaih thu a sawi.
Pu Lallianchhunga chuan, MNF Sorkar hmasa kha hnalak chungchangah hmingchhiatna a lo nei tawh tih sawiin, tuna MR zirtirtu 946 lak turah pawh Education Minister chuan Assembly Budget Session neih mekah Hnam run, Block leh Unit list a awm loh tur thu a tiam thei lova, a theih chin chinah fair thei ang bera kal an tum thu a sawi ngam chauh a ni a ti a, MSSSB din sorkarin a tumah pawh Hnam run list an ngai pawimawh dawn tih a chiang nia sawiin, mipuite tan rin ngam chia an ngaih loh thu a sawi.
Sorkar hmalak tum dan chu a theih ang anga dodal turin Mizoram mipuite an ngen tih eptu party pahnih te hian an sawi a, Mizoram sorkar pawh MPSC thuneihna chhuhsak tuma hma a lak mekna bansan nghal tur leh \halaite tan inelna khawvel thianghlim siam tum zawk turin an phut tih an sawi.
