Mizoram State Cooperative Union leh National Cooperative Union of India tangkawpin vawiin khan Cooperative Society dina mahni eizawnna hnathawh tur ngaihtuah dan, Kulikawn Vengthlang KTP member-te an zirtir a, Kulikawn Vengthlang Kohhran Hall-a he inzirtirna kaihruaitu, Field Education Officer, Pi TC Lalchawimawii chuan thalai lehkhathiamte leh zirlai, nakin lawka an zirna zo turte tan sorkar hna a tam tawk dawn loh avangin Cooperative Society dina, chumi hmanga mahni eizawnna ngelnghet siam tum a tul thu a sawi a, Cooperative Society din chu kut hnathawka eizawngte tan te, lo neitute thil thar chhuah la khawma zawrhsak nan teleh mi rethei zawkte dàwm kàn nan a pawimawh niin a sawi a, Cooperative Bank atangin loan a lak theih thu a sawi bawk. He training-ah hian Cooperative Education Instruction, Pi Baby Lalhmingsangi’n an thil tum leh hnathawh dan a sawifiah a, Cooperative Society chu ram chhung hmun tam takah mi retheite dawm kan nan leh ram sum dinhmun siam that nan hmanraw pawimawh tak niin a sawi a ni.
