Environment, Forest & Climate Change Department mi Kolasib-a awmte chuan nimin zing khan Guwahati leh Aizawl inkara Mizoram State Transport Deluxe Bus tlan atangin Saphu kawr kg 230-a rit an man. Kolasib Forest Range Office, Pu C. Lalrinmuana’n Kolasib-a thuthar thehdarhtute a hrilh danin Saphu kawr hi ip 6-ah thun a ni a, a neitu nia inchhal tumah an awm loh avangin engtia tih zel tur nge tih Environment, Forest & Climate Change Officer chuan an ngaihtuah mek a ni. Saphu kawr manna Bus khalhtu hi Pu Hmangaihzauva a ni a, Bus Conductor chu Pu TC Laldingliana a ni a, Conductor hi thil awmdan zawhfiah a nih hnuah PR bond-a chhuah leh tawh a ni.
