MSU Gen. Hqrs hruaitu \henkhat, dan lova khawdin nia an sawi, Tuichawngchhuah tlawh tuma nimin tlaia thawk chhuakte chu Lunglei a sorkar aiawhte leh Sub. Hqrs YMA te nen an inbiak hnuah Lunglei a\angin Aizawl lamah an kir leh.

0
208
views

MSU Gen. Hqrs hruaitute hi an President Pu Vanlalliana hovin an thawk chhuak a, Nizan khan Lunglei High Powered Committee, Vice Chairman Pu Lawmawma Tochhawng bakah Lunglei Bawrhsap leh Lunglei Sub. Hqrs YMA hruaituten an titipui a, boruak tha lo zawk a thlen loh nan kaltlanglo tura an ngen angin an kir leh a ni. MSU hruaitute sawidanin Sorkar aiawhte hian State Level Screening Committee a ngaihtuah a nih theih nan hmalak an tiam a ni. MSU chuan dan lova khawdin Tuichawngchhuah hi sorkar pawhin a finfiah vek tawh niin an sawi a, he khuaah hian dan lova Bangladesh atanga pem lut pawh an cheng ngei niin an sawi a, Sorkar dan atanga khaw din ni si lovah Electric transformer, PHE tuilak leh SSA hmalakna hmuh tur awm te chu an duh loh thu MSU hian an sawi a ni.