Mumbai, Bhendi Bazar in chima mi 34 thi tawh

0
406
views

Mumbai, Bhendi Bazar in chima thi chu mi 34 an tling tawh. Puan tawh angin Mumbai chhim lama in chhawng nga-a sang chu nimin tuk khan a chim a, he in hi kudam atana hman a nih bakah chhungkaw pakua velin chenna atan an hmang niin tualchhung mite chuan an sawi a, thi zingah hian ni 20 mi, nausen pawh a tel a ni. Police te chuan nausen ruang bakah hian mipa 24 leh hmeichhe 9 ruang lak chhuah a nih tawh thu an sawi a, hliam 15, damdawi ina enkawl mek an nih thu leh, chhanchhuah loha la tang an awm nia an hriat thu pawh an sawi a ni. He in hi Maharashtra Housing and Area Development Authority chuan chenna atan him lo-a a ngaih avangin thawm tha tur leh a chengte pawh inthiar chhuak turin lo hriattir tawh a, he in enkawltu, Saifee Burhani Upliftment Trust thuneitute chuan he in atang hian chhungkaw 7 chu hmun dangah sawn an lo nih tawh thu leh chhungkaw 13 in an la luah mek thu an sawi. Maharashtra CM, Devendra Fadnavis chuan thi chhungte hi cheng nuai 5 theuh pek a tiam bakah, hliamte pawh an inenkawlna senso chu state sorkar-in a tumsak tur thu a sawi a ni.