Mumbai khawpui laili, in chhawng sang pakhata kangmei chhuakah mi 4 an thi a, midang 16 an hliam bawk.

0
368
views

 

Parel hmuna Crystal Tower chhawng sanga kangmei chhuakah hian mi tam tak tangkhangte chu leilawn sang hmanga chhanchhuah an ni a, kangmei chhuak hi tunah chuan thunun tawh a ni. Fire Brigade controm room chuan in chhawng sang, chhawng 12-naa kangmei chhuah thu hi zinglam dar 8.30 ah an dawng a, kang \helh hna leh in chhawng sanga tang te chhanchhuah hna hi thawh nghal a ni a, he in chhawng sangah hian mi 100 chuang an cheng a ni. Kangmei chhuahna hi in chhawng 17-a sang a ni a, a chhawng 12-ah chhuak \anin a chhawng chunglam pawh a kang kai chho nghal a, mitthi zinga pahnih chu inchung lama inkhai chhohna khawl Lift chhungah an lo tang a ni.

Mumbai kangmei chhuakah hian hmeichhe naupang kum 10 mi lek chuan amah leh a chhungte bakah midang \hahnem tak a chhanhim a, he hmeichhe naupang Zen Sadavarte hian school-a kangmei chhuah thulha chet lak dan tur an lo zir tawh chu hmang \angkaiin chiai miah lovin a chhungte leh midang te chu tih dan tur a hrilh a, meikhu an hip lohna turin an hmui hupna tur rawmawl tuia chiah huh a sem a, lift hmang lo tur leh chiai lo turin midangte a hrilh chhawng a ni.