Myanmar-ah Rohingya mite la tiduhdah chhunzawm zel

0
399
views

UN Human Rights Council Assistant Secretary-General, Andrew Gilmour chuan Myanmar ramah Rohingya mite tihduhdahna leh suatna a la tawp lo niin vawiin khan a sawi. Gilmour hi Bangladesh-ah ni li chamin a zin a, Myanmar atanga raltlan thar, mi thenkhat a kawmna atangin, boruak a la ralmuan loh hle bakah, inbeihna a la thleng reng niin a sawi a, nikum lama ualau taka tharum thawhna ang kha chu a nih tawh loh thu leh, Rohingya-mite an ram atanga um chhuak tuma a firfiaka chetna te leh ei leh bar kawnga inhrek te a hluar hle niin a sawi bawk a, Myanmar sorkar-in raltlante hruaikir leh venhimna a tiam ang kha tun dinhmunah chuan a taka a la thlen loh thu a sawi bawk a ni. Hemi chungchangah hian Myanmar sorkar thupuangtu, Zaw Htay chuan UN thuchhuah hi a la hmuh ve loh thu leh, chi leh chi insuatna emaw, Rohingya mite rikrap leh hnawt zawnga an khawsak loh thu a sawi ve thung a ni.