MZP chuan Kum 2019-2020 School session thar \an chhoh mekah Private school thenkhat Sorkar phalna baka fee sang tak la an awm chu pawi an tih thu an sawi a, thuneitute hnenah pawh he thil hi an lo thlen tawh \hin tih sawiin, Sorkar dan zah loa school neituin a duh dan dana fee hrang hrang a lakte chu zirchianga action la turin MZP chuan thuneitute an phut nawn leh tih an sawi. Tun hnaiah Gospel Centenary School, Mission veng ami chuan zilaite hnenah uchuak takin fee an la niin MZP chuan an sawi a, Monthly fee Rs. 2000 bakah Jubilee fund Rs. 30, Building fund Rs. 200, Medicine Rs. 120 leh Electric & Water charge Rs. 150 a vaiin Rs. 2500 an la niin an sawi a. Hemi chungchang hi school neitute pawh an sawipui tawh chungin an fee lak dan chu a ngai rengin an kalpui lui niin an sawi a, School din phalna petute hnenah an phalna tihtawp anih theih nan hmalak an tum tih an sawi.
MZP chuan tunhnaiah induhsakna avangin Sorkarin zirtirtu Primary school-ah Headmster 30 leh Zirtirtu pangngai 40 leh Middle school zirtritu pangngai 21 te thingtlang a\angin khawpui chhungah a sawn lut niin an sawi bawk a, heng zirtirtute hi anmahni awmna post-ah dah kir leh nghal turin thuneitute an phut tih an sawi. MZP Exe Meeting hian Tuikuk te tana special polling booth siam duh lohna lantira Jt NGO coordination Committee in total bandh huaihawt an tum chu an thlawp thu an sawi bawk. Meeting hi an President Pu L. Ramdinliana Renthlei in a kaihruai a ni.
