MZP hruaitu te hi President Pu L. Ramdinliana Renthlei in a ho a, CADC thuneitute hi CEM Pu Rosik Mohan Chakma in a ho thung a, MZP thuchhuah tarlan danin MZP hruaitute hian CADC area chhunga Chakma khua dan lo a din \hiah chungchang te, Bangladesh atanga ramdang mi lo lut tu tam lutuk nia an hriat chungchang te, CADC area chhunga Mizo missionary ten harsatna leh en hran an tawh chungchang te, CADC hnuaia Chakma inhung bikna dan dinglai chungchang te an sawipui a ni. CADC Chief Executive Member Pu Rosik Mohan Chakma chuan CADC area chhunga Chakma te tana inhungbikna dan, Chakma nilo ten, in leh lo, ram an neih theih lohna dan siam a awm loh thu leh Chakma ni lo pawhin an duh a, pawisa an neih chuan in leh lo, ram an neih theih thu MZP hruaitute hi a hrilh a, CADC area-a awm Mizo khua te pawh duhsak loh bik an ni lo a, Chakma khua te nen ang khat veka enkawl an ni a ti a. Dan loa khawdin chu tlemte an neih thu sawiin a tih bo dan tur chu MZP hruaitute nen ngaihtuahho \ha a tih thu a hrilh bawk
CADC CEM chuan Bangladesh atanga lut ramdangmi an awm tih an hriat thu sawiin, an tam leh tam loh chu an chian bik loh thu a sawi a. Council thuneitute chuan ramdangmi lo lut lo se an duh a, Mizoram Sorkar nen tangkawp in ramdangmite dapchhuah kawngah hmalak ho zel an tum tih a sawi bawk.
MZP hruaitute hian Chakma Autonomous District Council area chhunga Zohnahthlak khaw hrang hrang te fangkualin an dinhmun te an zirchiang dawn a ni.
