Inelna \an hmaa inkhawm tawi buatsaihah Champhai South biala MLA atana thlan thar Pu TJ Lalnuntluanga chuan, MZP-ah hian \hangkhat lian lai ram leh hnam tan rawngbawlin a lo awm ve tawh thu a sawi a, MZP hnathathawhte chu ram leh hnam tan a nih avangin Mizo mipuiten an \awiawm zel a \ul niin a sawi a ni. Pu TJ Lalnuntluanga chuan, MZP-in High School zirlaite tana Quiz inelna a buatsaih \hin chu zirlaiten nasa takin an hlawkpui \hin niin a sawi a, tuna inelnaa telte pawh an zirna hlawhtlinpuina atana hmanga theihtawp chhuah turin a fuih bawk. Mi \henkhatin kuang lo nawra MZP an sawi \hin chu Pu TJ Lalnuntluanga chuan, MZP-in kuang lo a nawr ngai lo niin a sawi a, ram leh hnam tan leh zirlaite tana \ha turah chuan hma a la mai \hin niin a sawi a, zirlaite chu sap \awng leh Hindi thiam tum turin a fuih bawk.
MZP President, Pu L. Ramdinliana Renthlei pawhin thusawiin MZP leh YMA-in ram an vei hle niin a sawi a, ram leh hnam siam \ha turin zirlaite an pawimawh tih sawiin zirlaite chu khawi hmunah pawh zir se ram leh hnam hmangaihna nei tura chahin ram leh hnam hmangaihna chang hre lo chu eng dinhmunah pawh ding se ngaihsan an hlawh ngai lo niin a sawi bawk.
MZP Inter High School Quiz buatsaihah hian school 12 an tel a, pakhatna-in tangkafai cheng sing 3, thuziak leh nomawi an dawng a, pahnihna-in tangkafai cheng sing 2, thuziak leh nomawi, pathumna-in tangka fai cheng sing 1, thuziak leh nomawi an dawng a ni.
