Vawiina MZP Pisa puia thuthar lakhawmtute a kawmnaah L. Ramdinliana Renthlei chuan, naktip maiah MZP General Headquarters hruaitu thar thlan a ni dawn tih sawiin, hetah hian MZP danin a sawi angin President \anglai chu Term khat bak an hna chelh theih a nih loh avangin MZP President hi a ni chhunzawm thei tawh dawn lo tih a sawi a, MZP hruaitu thar nih tumte chu tun hnai khan an koh khawm thu leh MZP-in hmachhawp hrang hrang a neihte an sawipui a, a tihawlhtling tura beih chhunzawm dan tur ruahmanna an siampui tih a sawi. MZP president chuan, tuna MZP hruaitu thar thlan turah hian inthlanna thianghlim leh felfai tak kalpui tum a ni tih sawiin, kum dang zawng aia felfai zawka an inthlan theih ngei an beisei tih a sawi a. MZP kalphung pangngai angin a kaihhruaina hnuaiah Election Commission din a ni a, Returing Officer atan MZP president hlui, tuna Adviser ni mek Pu C. Lalrokhuma ruat niin, inthlanna hi felfai taka kalpui a nih tur thu a sawi.
MZP President sawi danin, MZP inthlanna neih turah hian General Headquarters, Sub-Headquarters, Branch, Hnam pual zirlai pawl leh Sorkar enkawl College a\angin vote nei mi 1,010 an awm a. He inthlan chuh tumte chu thla khat kalta a\ang khan Campaign khap an ni a, hei hi Candidate te pawhin an zawm \ha thawkhat tih a sawi. L. Ramdinliana Renthlei chuan MZP a kaihhruai chhunga an hmalakna hrang hrang Mizoram mipuiten an thlawp \hin chu a lawm hle tih sawiin, hruaitu tharte pawh mipuiten an thlawp chhunzawm zel a beisei tih a sawi.
