Hemi chungchanga ZONET zawhna chhangin Pu Vanlaltana chuan, inkharkhip vanga zirna kalpui theih loh hun chhungin zirlaite hnenah fee la lo turin mimal zirna In neitute an ngen tih a sawi a, Chief Minister Pu Zoramthanga, Education Minister leh Dept Director te pawh an biak tawh thu sawiin tun thlengin thu mumal hriat an la nei lo tih a sawi. MZP President hian mimal zirna In ten sorkar thu zawm lova fee an lak pawhin hremna Dan mumal Deptt. in a nei lo nia an hriat thu a sawi.
Pu Vanlaltana chuan, an ngennain awmzia a neih loh chuan Consumer forum lamah an zualko a rinthu a sawi a ni.
School Fee chungchangah hian Mizoram Independent School Association chuan inkharkhip nimahse thawktute hlawh, in luah man leh school enkawlna behbawmah sum senna a tawp ve loh avangin school fee chu dan panngaiin lak an rel a, fee pek kawnga harsatna neite ngaihhnathiam chungchang chu school neitute relfel turin an dah a ni.
Hetihlai hian mimal zirna in \henkhat, hriat theih chinah Aizawl Dinthar-a Mount Caret School, Durtlanga St. Anthony school, Willow Mount School, Bambatini School, Presbyterian Engliseh School Durtlang, Young Learners Bawngkawn Brigade school ten fees an la dawn lova, School \henkhat chuan sorkar hnathawk fate chu dan panngaia laksakin, a thawk lo te chu a chanve laksak an tum a ni.
