MZP rorelna sang Federal Council Sitting vawi 51-na chu vawiin khan MZP Conference hall-ah neih a ni.

0
241
views

He inkhawma thusawitu MZP President L. Ramdinliana Renthlei chuan, Sorkar apiang ten zirtirtu semrual an ngam lo zel chu MZP in pawi an ti hle tih a sawi a, zirtirtu semrual kawngah eng sorkar mah in hman an la ngam lo tih chu MZP ngaihdan a nih thu a sawi a. MZP chu Technical Course hrang hrang Mizoram quota a zir tur thlan chungchangah a dinna ngaiah a la din reng thu sawiin MZP President chuan, The Mizoram Selection of Candidates for Higher Technical courses Rules hnuaia ram leilung fate awmna tur Category I-ah ram leilung fa ni lo an tel hi MZP chuan engtikawng mahin rem a ti ngai dawn lo tih a sawi. Hnamdang nen a huang khata Zofate an awm loh nan hma an la zel dawn a ni, a ti. MZP President chuan, Mizoram leh Assam ramri chungchanga MZP hmalakna pawh a la kal ve bek bek tih sawiin, Sorkar kaihhruaina hnuaiah Assam-Mizoram ramri ngaihtuah tu tur Core Committee te siamthar leh in hmalak ve zel a ni, a ti a. An beisei leh duh anga hmalak chak theih ni lo mah se, hemi kawnga sorkar thil tih dan chu an thlirthlai reng tih a sawi.

MZP rorel inkhawm hi an pawl Vice President B. Vanlaltana’n a kaihruai a ni.