Naga thalai pawl hrang hrangin Bangladesh atang lo lutte ngaimawh

0
545
views

Dimapur-a Naga \halai pawl, Tenyimi Youth Organisation chuan an state-ah Bangladesh mi, dan loa khawsa an tam thu leh luh belh an la awm reng avangin sumdawnna kawngah leh vantlang tan an hnawksak tawh thu an sawi. Kar kal ta, ni 21-ah pawh khan Naga mi pawh ni lo, khawi lam mi nge pawh hriat loh, auto khalhtuten nunau pawh zuah lohin khawlaiah mi an sawisa nia sawiin, an thil tih chu an dem thu an sawi a, heng mite hian Naga miten dawhthei taka an lo dawngsawnna chu ngaiah neihin, lawmna chang pawh an hre lo an sawi a, tualchhung roreltute leh hnam hrang hrang lalte bakah, sorkar thuneitute pawhin Bangladesh mite chungchang hi ching fel thuai se an duh thu an sawi a ni. Wstern Sumi Hoho pawhin pawn lam mite hi khawlaia Ganja zuk mai ching leh a ram neitute zahpah lo tak niin an sawi a, India ram leh khawvel ram hrang hrangten Rohingya Muslim raltlante an buaipui laia an state sorkarin Myanmar leh Bangladesh a\anga lo lut ru te danna tur engmah a la ngaihtuah lo leh, hemi chungchanga engmah a la sawi lo pawh an ngaih thiam loh thu an sawi bawk a ni. Angami hnam \halai pawl pawhin Bangladesh mite hi an ning tawh hle tih sawiin, an hnam chim ral an nih lohna turin engpawh tih an inhuam thu an sawi a ni.