Nagaland-ah ECI-in Expenditure Observer 22 tir dawn

0
456
views

Nagaland Chief Electoral Officer, Abhijit Sinha chuan thla leh ni 27-a state Assembly inthlan lo awm turah Election Commission of India-in an state-ah Expenditure Observer 22 a tir dawn tih a sawi a, candidate te sum sen leh an pawisa hman dan an vil dawn tih a sawi. Thuthar lakhawmtute hnenah CEO chuan, chanchinbu-a man chawia campaign-na lam chi, chanchin thar anga chhuahtir chu khap a nih thu a sawi a, hetiang thil chhuah duh chuan district tina Monitoring committee phalna an l^k a ngai tih a sawi. Election Commission chuan inthlan chuhtuten fakna lam thil an chhuah reng reng chu an inthlan senso-ah chh<t tel vek a nih tur thu a sawi bawk. Lehkha chhutna hmun nei zawng zawng pawhin inthlan kaihhnawih thil an chhut apiang an chhinchhiah fel vek tur a ni a, a chhutna Press hming te, an chhut man te, an chhut zat te, a chhuttirtu zawng zawngte pawh an chhinchhiah fel vek tur a ni a, campaign tura mi langsar, star campaigner rawih an nih pawhin, a senso chu a campaign-sak candidate senso-ah chh<t tel tur a ni. Nagaland CEO chuan, ni khatah cheng nuai khat aia tam, bank a\anga la chhuak an awm chuan thuneitute hriattir zel turin bank-te pawh hriattir an nih thu a sawi a, Nagaland-a thil awm fo, a khaw puma candidate thlawp bik nei an awm chuan, thil fel lova ngaih a nih tur thu leh, chu candidate chu a \ul dan anga Election Commission-in a um zui tur thu a sawi bawk.