Nagaland-ah MCC hman mek a ni

0
709
views

Nagaland Assembly inthlan lo awm turah model code of conduct hman mek a ni a, state Chief Electoral Officer, Abhijit Sinha chuan political party te, candidate-te leh state sorkar chu hemi chungchang hi hriattirin, thla leh ni 27-ah vote thlak a nih tawh dawn avangin tun thla ni 18 a\ang khan model code of conduct hi hman a ni tawh tih a hrilh a ni. Vawiina a thuchhuahah CEO chuan, Election Commission-in inthlan laia tih tur leh tih loh tur te, dan bawhchhiat theihna leh inthlan senso vil chungchanga thup>k ding lai a neihte a hriattir nawn a, candidate emaw, a agent emaw, party worker emaw chuanna motor-ah tangka, Rs 50,000 aia tam hmuh a nih chuan man a nih tur thu sawiin, pawisa an neihna leh an hmanna turte, a finfiahna lehkha nen an sawifiah a ngai dawn tih a sawi. Poster, inthlanna lam kaihhnawih thil, ruihhlo, zu, ralthuam lam chi leh mi hnena thilp>k tur, cheng sing khat hu aia to, vote neite thlem nana hman tur nia ngaih theih te leh dan khap thil reng reng, motor-ah hmuh a nih chuan man a nih tur thu pawh CEO chuan a sawi a, mimalin pawisa, rinhlelh theih tura bank a\anga an lak chhuah pawhin, bank-ten ni tin, District Election Officer hnenah report an pe tur a ni tih te, sorkar hmasawnna hnathawh tur leh hmachhawp te pawh puan loh tur a ni tih te, thawh tura pawm tawhte pawh, thawh \an tawh a nih loh chuan thawh \an rih loh tur a ni tih te, sorkar in, mikhual thlen theihna chite pawh politics lam thila inhmuh khawm nan hman loh tur a ni tih te a sawi bawk. CEO chuan sorkar bungrua leh pisa te, bang leh thil hungna te pawh inthlanna lam thil hmanga tihhmelhem loh tur a ni a, sorkar thilah hetiang thil hi tar a nih chuan paih nghal tur a ni tih leh, rel station, bus stand, \umhmun, lamlian, sorkar bus, electric ban leh tualchhung rorelna lam thil leh bungruaah te pawh campaign-naa ngaih theih thil, phalna nei lova tar a nih chuan senghawi nghal zel tur a ni tih a sawi bawk a, mimal in leh thil neihah pawh hetiang thil hi tar loh tur a ni bawk. Political party leh candidate-in campaign nan sorkare motor an hmang tur a ni lova, thamna leh vote leina anga ngaih theih thil inp>k pawh khap vek a ni. Sakhua, hnam, chi bing leh \awng hman lam rawng kaia inhmuh mawhna thlen thei lam chi reng reng a awm tur a ni lova, hetiang a awm chuan candidate emaw, a agent emaw chu inthlanna dan bawhchhiatna thubuai siamsak an ni dawn tih pawh Nagaland CEO chuan a sawi a ni.