Nagaland CM hlui, Neiphu Rio chuhtu awm loh vangin tlingah puang

0
381
views

Nagaland Assembly inthlan lo awm turin ngaihven a hlawh chho zel a, CM hlui, Neiphiu Rio chu a dinna, Kohima District-a Northern Angami-II bialah chuhtu dang awm lovin tlinga puan a ni. State Chief Electoral Officer, Abhijit Sinha chuan Neiphiu Rio hi tlingah a puang. Pu Sinha chuan Neiphu Rio dinna bial chuh ve tuma hming thehluttu, NPF party mi Chupfu-O chu a inhnuhdawh leh vangin, chuhtu dang an awm ta lo tih a sawi a, inthlan chuh tuma hming thehlut 256 zinga 32 an inhnuhdawh tawh thu leh, midang 29 hnawl an nih thu a sawi bawk a ni. Neiphu Rio hi tum thum lai Nagaland CM a lo ni tawh a, kum li dawn a chawlh tawh hnuah, party thar, Nationalist Democratic Progressive Party ticket-in seat a rawn chuh ve leh a ni. Puan tawh angin NDPP hian BJP nen thawhdunna thu an thlung tawh a, seat 40 an chuh laiin, BJP hian seat 20 an chuh ve thung dawn a, party lian zual zingah, Naga People’s Front chuan seat 58 an chuh dawn a, Congress-in seat 18, National People’s Party-in 25 an chuh bawk bawk ang.