Naisingpara Bru Relief Camp-a awmten lungawilohna lantir

0
368
views

Tripura-a Naisingpara Bru Relief Camp-a awmte chuan lungawi lohna lantir nan vawiin khan Naisingpara leh Dosda RD Block inkarah ke-a kalin kawng an zawh. Heng khaw pahnih inkar hi km 10 vela thui a ni a, kawng zawhtute hian kawng dung tluanin lehkhaziakte kengin an thil phut an tarlang a, chung zingah chuan anmahni \anpuina sum, cash dole, puitling pakhat zel tana nitin Rs.5/- leh naupang tana Rs.2.50 pek \hin, thla nga chhung an dawn tawh loh pek thuai an phutna te, an ration dawn \hin, a hun taka pe lova, tihkhawtlai \hin an duh loh thu te, Home Ministry-a Director, North East II, Pu JPN Singh-a’n anmahni chhawmdawlna, a leta tihpun rawtna, kum 2015 February ni 25-a Supreme Court-a a thehluh tihhlawhtlin an phut thu te, anmahni enkawltu, Union Home Ministry-a Adviser, Pu Mahesh Kumar Singla-a’n anmahni \hen darh zawnga thil a tih dan nia an sawi, an duh loh thu te a ni a, Pu Mahesh Kumar Singla hian Bru Relief Camp 6-a awm mipuite, kum 1997 a\anga hruaitu, Mizoram Bru Displaced People Forum hruaitute thlauh thlaa, \halai rual, phaia lehkha an zirtir, mi 15 leh 20 inkar vel, hruaitu hna a thawhtir nia sawiin, an duh loh thu an au chhuahpui a, Pu Mahesh Kumar Singla-a ruahman anga Bru te, Mizorama thawn let tumna chu a hlawhtlin theih an rin loh thu an sawi bawk. Vawiina kawng zawhte hian Union Home Minister, Pu Rajnath Singh-a hnena thawn tur memorandum pawh Dosda BDO hnenah an thehlut a ni.