Naktuka Lok Sabha member thlanna neih tura ruahmanna hrang hrang peihfel a ni tawh a, Lok Sabha inthlanpui neih turah hian vote nei mi 7,92,464 an awm.

0
222
views

Chief Electoral Officer, Pu Ashish Kundra chuan nimin tlai dar 4 khan Aizawla thuthar lakhawmtute kawmin, inthlanpui neih tura inbuatsaihna hrang hrang neih dan a sawifiah a, CEO sawi danin, Mizoram chhungah vote nei mi 7,87,777 awmin, heng mite bakah hian State danga awm, Mizorama vote nei mi 4,687 an awm bawk.

Mizoram chhunga vote nei 7,87,777 zinga 3,83,603 chu mipa niin, 4,04,169 chu hmeichhia an ni a. Mipa aiin hmeichhia vote nei chu 20,566-in an tam zawk a, vote nei zingah mahni nihna thlak thleng (transgender) mi 5 an awm a, pianphunga rualbanlo 3,331 an awm bawk. Assembly constituency 40 zingah Lawngtlai District-a Tuichawng bial chu Vote nei tamna ber niin, mi 31,470 an awm. Vote tlemna ber Lunglei District-a Thorang bialah chuan vote nei mi 13,563 an awm a ni. Tun \uma inthlanna neih turah hian Mizoramah puh vote thlakna hmun, Polling Station 1,175 siam a ni dawn a, heng hmun hrang hranga inthlan buaipui turin mi 4,812 ruat an ni a, polling party mi 141 chuan nimin khan an Duty-na hmun tur an pan tawh a, a bak zawng chuan vawiin khan an pan ve leh a ni. Inthlanpui neih tur vuakvet chhunga venhimna lam buaipui turin mi 4,409 ruat an ni a, chung zinga sipai company 12 chu Central Armed Police Force an ni a, a bak zawng chu Mizoram Police an ni.

CEO chuan, he inthlanna neih tura Campaign theih hun tawp hnu nimin tlai dar a\ang khan Political Party, Candidate leh an mahni \antute tan Campaign-na lam hawi reng reng engmah tih phal a ni tawh lo tih a sawi a. Inthlana chak tur inrinsiakna, Exit Poll pawh khap a ni tih sawiin, TV, Chanchinbu leh Social Media kaltlanga Campaign-na lam hawi thuchuak leh vedio tihchhuah pawh khap tlat a ni, a ti.