Bihar-a BJP, Janata Dal (United ) leh Lok Janshakti Party president te chuan a huhova press conference kovin candidate turte hming hi an puang a, BJP In charge Bhupendra Yadav chuan Union Minister Ravi Shankar Prasad chu Patna Sahib constituency-ah a ding dawn tih a puang a, a hmaa Nawad-a ding \hin Union Minister Giriraj Singh chu Begusarai-ah a ding dawn a, Union Minister Radha Mohan Singh chu East Champaran-ah a chuh dawn a, Ram Kripal Yadav chu Pataliputra-ah a ding dawn bawk a ni.
Ashwani Kumar Chaube chu Buxar-a ding tura ruat a ni a, RK Singh chu Ara-ah a ding dawn bawk a, Hajipur constituency-ah LJP Chief Ram Vilas Paswan aiin a unaupa LJP President Pashupati Kumar Paras a ding dawn a, Nawada-ah JD(U) Kaushal Yadav-a ding tura thlan a ni bawk a, Khangaria seat a ding tur LJP hian a la puang lo a, Dehri-a BJP party mi ding tur puan a la ni lo bawk.
BJP chuan MP nilai 7, Shatrughan Sinha tiamin a dintir dawn lo a, Assam-ah chuan All India United Democratic Front te’n Lok Sabha inthlana seat 8-a a candidate tur te list a puang bawk a, Party President leh MP nilai Badruddin Ajmal-a’n Dhubri bial a chuh dawn a, Rafikul Islam chu Barpeta ah a ding dawn a, Radheshyam Biswas chu Karimganj bialah a ding dawn bawk a ni. Bial danga ding tur candidate te hming chu puan a la ni lo a ni.
