National Tobacco Control Programme, Mizoram buatsaihin Global Adult Tobacco Survey-2 behchhana khauh zawka zuk leh hmuam khap kawnga hmalak dan tur sawi hona vawiin khan New Secretariat Complex-a Taxation Conference Hall-ah neih a ni.

0
593
views

He zir hona hmanpuitu Chief Secretary, Pu Lalnunmawia Chuaungo chuan, tunhma chuan meizuk chu rualpawl nan leh intih pa nan hman \hin a ni tih sawiin, tunah erawh he ngaihdan hi thlak mek a ni a, zuk leh hmuam ti \hinte chu mi changkang lo leh midang phak lo tihna a ni tawh a ni, a ti a. Ram changkang zawkah chuan zuk leh hmuam an ti duh tawh lo nia sawiin, Mizoramah pawh zuk leh hmuam ti \hin an tlem zel theih nan zuk leh hmuam \hat lohna chu sikul a\anga inzirtir a pawimawh a, social media lamah pawh nasa zawka a tarlan nise a duh tih a sawi.

MIMER Director, Dr. L.Fimate pawhin India chu khawvela zuk leh hmuam ti tam 2-na a ni tih sawiin, hei hi natna hrang hrang thlentu a nih avangin mi tinin an do a ngai a ni, a ti a. MJA President, Pu Zonunsanga Khiangte pawhin, zuk leh hmuam do kawnga chak zawka hmalak a nih theih nan tuna Tobacco Free Village awmsa bakah naupangte tan Anti Tobacco Club tam zawk din tura hmalak nise a \hat a rin thu a sawi. He inkhawm hi NHM Mission Director, Dr. Eric Zomawia’n a kaihruai a, hetah hian National Tobacco Control Programme, Mizoram State Nodal Officer, Dr. Jane R.Ralte-in zuk leh hmuam chungchanga Mizoram dinhmun a sawifiah a. Chawhnu lamah Cigratte & Other Tobacco Product Act chungchang an zir ho bawk.