National Trade Union of Mizoram-in tun hnaia Chief Minister, Pu Zoramthanga hova Council of Ministers \hukhawmin Mizoram Sorkar hnuaia Muster Roll-a thawkte hlawh punna tur, Proposal for revision of the existing minimum wages rate in Mizoram a pawm chu an lawm hle tih tih sawiin, he thutlukna hian Mizoram Sorkar-in dinhmun hniam zawka dingte a ngaihsak zia a tarlang chiang hle nia an hriat thu an sawi.

0
645
views

Vawiina Aizawl Press Club-a thuthar lakhawmtute an kawmnaah an pawl President, Pu C. Remtluanga chuan, Sorkar-in MR-te hlawh tur a siam tharah hian leilung pian tirh ata Skill hniam ber pawhin Rs. 10,000 an hlawh kai vawi khatna a nih thu leh tun \um hi an hlawh punna san ber \um a ni tih sawiin, hei mai hi ni lovin nikum October thla a\anga chhut a Arrear pek phalsak an ni lehzel chu an lawmna tizualtu a ni tih a sawi. Pu C. Remtluanga chuan, hun rei tak a\anga an lo dil tawh an hlawh tihpun a nih avanga lawmthu sawi nan tihtheih nei lo mah se, MR-te chuan lawmthu sawina atan an hna \heuh taima lehzual a thawh an tum thu leh hei hi an bat a ni tih chu an ngaihdan a nih thu a sawi. NTUM hruaitute sawi danin, tunah hian Mizoram sorkar hnuaia Department 55-ah MR a thawk mi 9351 an awm mek a, heng mite hi Approval tih mek niin, tunah hian a chanve vel chu Approval tihsak an ni tawh a ni.

Puan tawh angin thawhlehnia Mizoram Sorkar Council of Ministers \hukhawm chuan Muster Roll-a thawkte hlawh punna tur, Proposal for revision of the existing minimum wages rate in Mizoram chu a pawm a ni.