National Trade Union of Mizoram Joint Action Committee-in Muster Roll-te tana Skill Upgradation leh Pay Revision chu tun thla ni 17 ral hmaa Sorkar-in a tih puitlinsak lo a nih chuan an thiam ang anga bawhzui an tum thu an puang.

0
528
views

 

Vawiina thuchhuah an siamah NTUM Joint Action Committee chuan, Department hrang hranga Muster Roll hnathawkte chu lo inring lawk tur leh an thil phut an nawrna avanga mipui tan harsatna a thleng a nih pawhin hrethiam tura an duh thu an sawi a, MR-te chu an \hatlai hun zawng zawnga Sorkar tana thawk \hin leh an hlawh chiah hmu an nih thu sawiin, an hnathawhna hmunah pawh chesualin lo boral ta pawh ni se ham\hatna hmuh an nei lo niin an sawi. Sorkar-in MR te a chhawr dan chu dan mit a\anga thlir chuan ran chhawr ang mai nia an ngaih thu an sawi a, an thilphut chu an huantiam ral hmaa tihhlawhtlin sak an nih loh chuan mipuiten harsatna chi hrang hrang a bikin tui, eng leh Office hrang hrangah harsatna an tawk a nih pawhin hriatthiam se an duh tih an sawi.

NTUM hian Mizoramin Assembly inthlanpui-a hmachhawn hma ngeia MR-te tan hlawhbi thar leh chawlh phalna siam sak te leh Labour Law hnuaia zangnadawmna an dawn theihna tur Payment of Gratuity Act, 1972 hman ve te, Department tina zaa 35 Quota an neih hnawhkhah te an phut a ni.