National Trade Union of Mizoram (NTUM)-in kumina Mizoramin Assembly inthlanpui a hmachhawn hma ngeiin MR-te tan hlawhbi thar leh chawlh an lak ve phalna siam sak turin Sorkar an phut.

0
857
views

 

Vawiina Aizawl Press Club-a thuthar lakhawmtute an kawmnaah an pawl President, Pu C. Remtluanga chuan, tunah hian Department hrang hranga MR-a thawk an tam avangin MR Approved zingah pawh Post-in a daih loh vanga nghet thei lo, kum 60 tling mai tur mi 8,000 vel an awm tih sawiin, heng mite tan hian MR dinhmun \ha zawk siamsak turin Sorkar an ngen tih a sawi a, Labour Law hnuaia hlawh hniam thei ang bera inchhawrna, Minimum Wages hman mek a\anga lachhuak tur leh hlawh sang zawk pe a, chawlh an neih ve theih nana an dinhmun siam\hah sak turin Sorkar an ngen tih a sawi.

Pu C. Remtluanga chuan, kumin hian MR zingah an hnathawh laia thi mi 10 vel an awm tawh tih sawiin, heng mite hi sorkar hnathawk nghet an nih loh avangin ham\hatna pek an ni lo tih a sawi a, Labour Law hnuaiah zangnadawmna an dawn theihna tur Payment of Gratuity Act, 1972 chu hman theiha peih a nih tawh tho avangin a taka hman tir an phut tih a sawi. Nikum March thla a\anga Sorkar-in a buaipui tawh MR-te a ngheta dah theihna tur chu nimin khan tihfel a ni ta nia sawiin, Sorkar chungah an lawm hle tih a sawi a. Hetihrual hian kawng thui tak zawh tur la awm chu tikhawtlai lova bawhzui anih an beisei tih sawiin, inthlan puan a nih hma ngeiin, danin a phal angin Department tinah zaa 35 Quota an neih chu hnawhkhah an duh tih Pu C. Remtluanga chuan a sawi a. Muster Roll-te chu Labour Law hnuaia awm an nih thu kumin March thla khan Minister-in House-ah a puang tih sawiin, hetih mek lai hian Labour Law hnuaia an ham\hatna hmuh tur Employee Provident Fund-te, a thlawna damdawia an inenkawlna tur te, nau neih chawlh leh ham\hatna dang dang pek an ni leh si lo chu thil inhmeh lo tak a ni, a ti.

Muster Roll-a thawkte chu Transfer TA pek theih an nih hma chu hmun danga Transfer tawh loh an duh tih sawiin, Labour Law-in a phal anga thla 6 dana Variable Dearness Allowance (VDA) nit in Rs. 40 vela hlawh tihpunna tur chu kumin May ni 15 khan Minimum Wages Board-in a pawm tawh pawh vawiin thlenga Cabinet ngaihtuah tura chhawp chhuah a la ni lo chu an hrethiam lo hle tih a sawi a, hei hi Sorkar hnathawkten 7th pay an lak ruala la ve thei turin Sorkar-in tihfel sak se an duh thu a sawi. NTUM President chuan, an hlawh a\anga chhiah lakna tur rang taka tihfel a nih laia Professional Tax an chawi \hin tihniam tura nikum November thlaa an dilna, vawiin thlenga ngaihtuah ala ni lo chu pawi an ti hle tih sawiin, hei hi tihfel a nih hma chu lo ngaichang turin Department hrang hrang hotute a ngen bawk.

Heng an thil phut hrang hrang hi nawrh kher ngai lova tihlawhtling turin Sorkar an ngen a, an ngenna hi tihhlawhtlin a nih lova an lo nuar ta a nih a, harsatna a thleng a nih pawhin mipui hriatthiamna NTUM hotute chuan an dil lawk nghal a ni.

Mizoram Ex-Service League lungawilohna vawiina lantir District Hqrs. khawpui \henkhatah pawh an member ten an zawm ve a, Champhaia Ex Service League chuan Champhai Vengsang Biak In bul a\anga \anin Bethel Kawn thleng kawng an zawh a, kawngzawh \an hmaa Dawrkai Kawna inkhawmah te, Darthangvunga Traffic Point, DK Traffic Point, Vanbawiha tual leh Bethel Kawnah te chawlin an hruaituten thu an sawi a ni. Kawngzawhtute hian aurualin Home Guard Deptt. Army Officer ten kum 54 chhung an lo enkawl tawh tidanglam tura Mizoram sorkarin Home Guard Ordinance 2018 kumin August ni 13-a Cabinet Meeting-in a pawmpui chu an duh loh thu te, sorkar laipuiin Ex Service mite tan Group C-ah za zela 10 leh Group D-ah za zela 20 hauhsakna kum 1979 daih tawha siam anga Mizoram sorkarin Deptt. hrang hrangah an tan hna hauhsak ve rawh se tih te, Property Tax Central sorkarin Sipai bangte awl tura a tih chu Mizoramah hman ve an phut thu te, indopui pahnihnaa Sipai la dam leh an nupui la damte, 2nd Battalion Assam Regiment \hiah taka awmte lawmman tipung tura kum 2017-a sorkarin a tiam tawh chu tihhlawhtlin ni se an duh thu te an tarlang a ni.

 

Lawngtlaiah chuan District Ex Service League huaihawtin tukin khan Chanmari Veng a\anga Bazara Areopagy thleng kawng an zawh a, hmun remchang laiah dingin an thilphutte tarlanna lehkhaziak an tar chhuak bawk a ni. District hrang hranga Ex Servicemen lungawilohna lantirtute thilphut hi a inang vek a ni.

Lungleiah chuan kawngzawh lovin Sipai bangte hi Children’s Park-ah an kal khawm a, hetah hian an thilphut tarlanna banner leh lehkha ziakte an tar bawk a ni.

Kolasib-ah chuan Sipai bangte hian Circuit House bul a\anga kawngzawh \anin Project Veng kaltlangin Diakkawn thleng kawng an zawh a, Diakkawna inkhawmah an hotute chuan an thilphut an tarlang a ni.