National Trade Union of Mizoram (NTUM) member-ten sorkar-a an thilphut tihhlawhtlin ngiat nan Upper Khatla-a an pawl Pisa tulah an pungkhawm a, an thilphut chu ngaihtuah a nih tur thu Sorkar lam a\anga an dawn hnuah harsatna thleng lovin an \in darh leh a ni.

NTUM hian MR-a thawkte Skill up-na dan siamsak te, hlawh ennawn an dil leh Works Department pathum-a MR approval an dil chu a rang thei anga tihlawhtling tur leh tuna skill-a harsatna tawkte pawh skill ngaia pawm sak turin Sorkar an phut a. Vawiina an member-te punkhawm lai hian Sorkar hotute ruahman angin NTUM hruaitute leh Labour Commission, Pu Zothankhuma’n an thilphut chungchang hi an sawi hova, Pu Zothankhuma chuan an thilphut chu Sorkar-in tihhlawhtlin a tum thu a hrilh hnuah NTUM member pungkhawmte chu an \in darh a. Inremna an siam ang chuan, karleh hian MR hlawh ennawntu tur Sub Committee an \hukhawm nghal dawn a, he hian a tih tur a tih hnuah an rawtnate chu State Level Committee on Minimum Wages-in a bawhzui nghal dawn a. MR-a thawkte Skill up-na dan siamsak tura an ngenna chungchangah pawh MR Study Team-in a bawhzui dawn a, hemi atan hian Committee pawh siam tawh niin, MR-te Skill sang zawka an kai theih dan tur an ngaituah dawn a ni.

Vawiina NTUM member pungkhawm hi mi 2,000 chuang an ni a. Hetiang bawk hian District hrang hranga NTUM member-te chu hmun remchangah an pungkhawm ve bawk a ni.