National Trade Union of Mizoram President, Pu C Remtluanga’n tunhnaia Lunglei-a electric current line a siam laia current-in a man hlum Tv Lalrosunga chhungte hnenah zangnadawmna cheng nuai 5 pe turin sorkar an phut tih vawiina Aizawl Press Club-a thuthar thehdarhtute a kawmnaah a sawi.

0
453
views

Pu C Remtluanga chuan, kum 2013 June ni 28 khan P&E Department-in thuchhuah a siamah live line siam turin MR te chu banah lawn loh tur tih a nih thu a sawi a, hetihlai hian an pute thuawiha live line chhia siamtur bana lawn Tv Lalrosunga vanduaina a tawk chu pawi an tih thu a sawi a, hetihlai hian an pute thuawiha bana lawn a nih avangin a laka khawihna lantira zangna dawmna pe turin Department hotute an ngen a ni, a ti. NTUM President chuan, an ngenna chungchangah hian tun thla chhunga thu lawmawm an dawng lo a nih chuan a \ul anga bawhzui zel an tum thu a sawi. Kum 2015 khan The Payment of Gratuity Act 1972 hman theih tura dan peihfel a nih hnu leh thuchhuah pawh siam a nih hnuah vawiin thlenga MR an hnathawk lai leh an hna atanga chawlte hnenah he dan hmanga hmalak a la ni lo nia sawiin, Pu C Remtluanga chuan, he dan hi a taka kalpuiturin sorkar an ngen tih a sawi a. Tunhnaiah MR Approval pek a nih dawn avangin Department \henkhatah Skill sanga kum 20/30 lo awm tawh skill hniam zawka thlak thlak tir an nih chu pawi an tih thu sawiin, nidanga an hlawhlak thin chanve vel chauh an la ta chu an mangang hle a ni, a ti a. He thil thi sorkarin chinfel sak se a duh tih a sawi.

MR te dinhmun chawikanna tura MR Employee ni lova Provisional Employee a thlak tura MR study team-te hmalakna chu tun aia chak zawka kalpui an phut thu pawh sawiin, Pu C. Remtluanga chuan, Champhai leh Kolasib-a MR te mimal hnaa chhawr thin an awm nia sawi pawh an enfiah a duh thu leh hetiang thil hi a awm tak ta a nih chuan NTUM hruaitute hriattir \hin turin a tuarttute chu an ngen tih a sawi.