Nationalist Congress Party (NCP) State President, Pu Lalawmpuia Chhangte-in November ni 28-a Mizoram Assembly inthlanpui neih tur chu an Party-in a chuh dawn tih a puang.

0
271
views

Vawiina Aizawl Press Club-a thuthar lakhawmtute a kawmnaah Pu Lalawmpuia Chhangte chuan, Mizoram inthlan neih tur chu bial 5- Dampa, Mamit, Hachhek, Aizawl East I leh Aizawl West I-ahte Candidate an dah dawn nia sawiin, West Tuipui leh Tuichawng bialah pawh candidate hi dah an duh a, hetihlai hian heng bial pahnihah hian Joint NGO Co-ordination Committee-in Mizo hnahthlak ni lo candidate dah lo tura a ngen angin Political party dangte hmalak dan a zira candidate hi dah ve tho an tum thu a sawi. NCP State President chuan, an Party chu \angrual pawl, ZPM thawh honaa tel zinga Political Party pakhat an nih thu leh \angrual pawlah hian tel tho mah se, remchan zawkna avangin heng bial 7-ah hian a hrana candidate siam an tum thu a sawi a, heng bial 7 tih loh bial dangah chuan ZPM candidate-te an thlawp tur thu Pu Lalawmpuia Chhangte chuan a sawi.