Naupang kum 18 chin hnuailam te chungthu ngaihtuahna dan dinglai siamthatna tur, Juvenile Justice (Care and Protection of Children) Amendment Bill 2018 chu vawiin Parliament inkhawmah Women and Child Development Minister Maneka Gandhi i’n a pu lut.

Dan siam\hat rawtna ah hian District Magistrate te chu fa lak thuah thuneihna pek an ni ang a, hei hian awlsam zawka fa lak theihna kawng a hawng dawn a, fahrah leh chanhai, enkawltu mumal nei lo naupang ten chenna tur chhungkua an hmuh zung zung theihna turin dan hnuaiah awlsam zawka thil kalpui theihna tur kawng a hawng dawn a ni. Dan siam\hat rawtna ang hian fa lak kaihhnawiha thubuai court hrang hranga inchiah mek te pawh a bialtu District Magistrate te hnenah ngaihtuah zui tura transfer theih a ni dawn bawk. Tuna dan hmanlai ah chuan Court in hna tam tak an neih avangin fa lak thuah thupek siam zung zung a harsa a, July ni 20 thleng khan court hrang hrangah fa lak chungchanga thu tlukna nghah mek thu inchiah 629 a tlingkhawm a ni.