Nausen thla 8 mi, a laina hnai kum 28 miin a pawngsual nia sawi chuan enkawlna \ha zawk a dawn theihna turin All India Institute of Medical Sciences (AIIMS) ah sawn a ni tih vawiin khan sorkarin Supreme court a hrilh.
Chief Justice Dipak Misra kaihhruai, Bench chuan he thil thleng hi a ngaihpawimawh thu sawiin, Sorkar laipui leh hemi chungchang Court-a thlentu ukil te chu mipat hmeichhiatna kawnga naupang khawih chingpente thubuai, ngaihtuah fel loha la awm mekte court hriattir turin a hrilh a, hei hi rampum huapa thil awmdan hriat theihna tur leh rang zawka thubuai ngaihtuah anih theihna tura hmalakna a ni. He thil thlengah hian FIR ziah luh anih tawh thu leh pawikhawihtua puh pawh Jial-a dahluh anih tawh thu Sorkar Ukil chuan a sawi a. Court chuan AIIMS doctor pahnih chu nausen dinhmun enfiah turin a hrilh a ni.
He nausen hi January ni 28 khan Delhi hmar thlang lam Netaji Subhash Place ah a laina hnai kum 28 miin a pawngsual nia sawi a ni.
