NEDP hnuaia khaw hrang hrangin an mamawh phuhrukna tura ruahmanna an siam, My NEDP, My Project (Mipui Mamawh Intawm Ruahmanna) tia vuahah vawiin khan lawmman sem chhuah a ni.

0
250
views

 

He ruahmanna hnuaiah hian Mizorama khua leh veng zawng zawngte chu an awmna district DC kaltlangin an an inel a, khua leh veng mamawh mipui zawng zawng huap leh khawtlangin an hlawkpui tur ni si ruahmanna an in siam siak a ni. Khua leh veng 347 te anmahni duan Project an thehlut a, District tin a\angin Project tha ber pakhat \heuh thlan chhuah leh a ni a, Chief Minister-in lawmman atan lawmpuina thuziak leh cheng vaibelchhekhat \heuh a hlan a ni.

Aizawl District-ah chuan Sialsuk Eco-tourism Development Innovation Project tih hmangin Sialsuk khua in lawmman an dawng a, Lunglei District-ah Solar Power Plant Kilo watt 50 siam tura project duangtu Cherhlun khua pakhatna a ni a, Siaha District-ah Integrated Mass Transit Terminal tih project siamtu New Siaha West pakhatna a ni.

Champhai District atangin NCR Organic Pineapple Processing Plant tih duangtu New Chalrang pakhatna a ni a, Kolasib District atangin 150 Kw Power Grid Connected Solar Plant tih project duangtu Khamrang pakhatna a ni a, Serchhip District atangin Loom Upgradation and Product Diversification tih project siamtu Thenzawl West pakhatna a ni a, Lawngtlai District atangin Sangau khua chuan Phawngpui Tourism Development Project tih hmangin lawmman pakhatna a la a, Mamit District atangin Reiek khua chuan Organic and Eco-tourism Facilitation Centre tih project hmangin lawmman pakhatna a la bawk.

MiMIR Project hnuaia lawmman sem rual hian Mizorama BPL chhungkua awm lohna khaw 5, Pamchung, Rabung, Tlangmawi, Chawngtlai leh Riangtlei khaw hruaitute hnenah an khawtlang tihmasawnna tur cheng nuaih 40 leh lawmpuina thuziak hlan an ni bawk a, heng khaw 5 te hi Champhai District ami te vek an ni.