I&PR Department buatsaih, NEDP Press Study Tour, Himachal Pradesh, Chandigarh leh Delhi-a kal turte chu vawiin khan, I&PR Directorate kawt atangin Planning Principal Adviser, Pu Saihlira’n a thlah liam a, an kalna apiangah nungchang mawi tak an lan chhuahtir a beisei thu a sawi. NEDP Press Study Tour hi kumin chhunga a vawi li na a ni a, District hrang hrang pariat atanga Journalist 10 thlan chhuahte hi I&PR Dy. Director, Pi P.B Lianthangpuii leh Senior IPRO, Pi K.Laldingliani’n an hruai a ni.
