NEDP sum cheng nuai 200 senga Champhai-a Education Training Centre sakna tur lung chu vawiin khan School Education Minister, Pu H. Rohluna’n a phum a. Sorkar-in zirna tih hmasawn kawngah nasa taka \an a lak thu leh hmun hma \ha zawk nei thei tura \anlak a nih thu a sawi.

Education Training Centre bakah hian cheng nuai 25 sengin DEO Quarters pawh sak tura buaipui mek a ni tih a sawi. Pu H.Rohluna chuan, an Department chu Department upa pawl a nih avangin hmun hma tam takte thuamthat angaih tawh a, hei hi sorkar pawhin a ngaihpawimawh avangin NEDP leh NABARD kaltlangin hmalak mek zel a ni tih a sawi.

Education Training Centre hi Champhai Kahrawt venga DEO Complex-ah sak a ni dawn a. Cheng nuai 200 senga sak tur niin, zirtirtu training na tur hman raw hrang hrang bakah mikhual thlenna leh lirthei hunnate awm tura ruahman a ni a. Mizopa chiara chhawng 5-a sanga sak tur niin, zirtirtute intuaitharna hmun tur a ni.

Hemi puala inkhawm tawi hi School Education Director, Pu K. Laldingliana’n kaihhruaia a, Champhai North bialtu MLA, Pu TT Zothansanga leh Department hotute an tel a ni.