North Eastern Electric Power Corporation Ltd. (NEEPCO) in Kolasib-a MJA Press Club sak chhunzawmna tur Rs.10,00,000/- cheque vawiin khan Kolasib MJA President, Pu R. Lalhmingthanga kutah a hlan. He sum hi Kolasib Bawrhsap Pisaah inhlan a ni a, he inkhawmah hian Kolasib Bawrhsap, Pu R. Zarzosanga chuan NEEPCO te inphalna leh hnathawhte chu Mizoram tih hmasawnna tura thil pawimawh niin a sawi a, MJA Press Club sak a nih dawn bakah Mizoramin kawlphetha tam zawk a nei thei niin a sawi a ni. He inkhawmah hian NEEPCO Deputy Manager, Dr. PK Saikia chuan Kolasib MJA tanpui theia an awm chu lawmawm a tih thu sawiin, hmasawnna atana thil pawimawh kawngpui, kawlphetha, tui in tur, zirna leh hmasawnna ruhrel hrang hrang te zinga pakhat, kawlphetha Mizoram an pe chhuak thei chu lawmawm a tih thu a sawi bawk. NEEPCO Deputy Manager chuan Swachh Bharat hnuaia beihpuithlak tihhlawhtlin nan hmalak zui zel a tum thu a sawi bawk a ni.
